10 نصايح لكى تكون طالب طب ناجح ومتفوق ؟ثم تكون طبيبا ناجحا وعظيم.

دخلت كلية الطب وعاوز تكون طالب متفوق تعرف كل شىء عن تخصصك وتكون من الطلاب المتميزين دراسيا وعمليا وبعد كده عاوز تكون طبيب ناحج  ومشهور بكل ما تحمله الكلمة من معنى.يبقى لازم تركز معانا فى كل كلمة لأن الكلام ده والنصائح دى من خبرات طلاب وخريجين طب متفوقين.



10-نصايح-لكى-تصبح-طالب-طب-ناجح-متفوق-تكون-طبيبا-ناجحا-عظيم


الكثير منا فى صغرة عندما كان يسأله شخص ماذا تريد ان تكون ؟ كان المعظم  يرد ويقول بعلو صوتة أريد أن أكون  طبيب أو دكتور حيث هى الكلمة الشائعة ،وبعد كده لما يسألك نفس الشخص ويقولك ليه عاوز تكون دكتور معظمنا مكنش بيعرف يرد أو كان بترد وتقول


علشان اقدر أساعد الناس وأخفف الوجع عنهم شويه.
أكيد طبعا الهدف ده نبيل وكويس وده اعظم هدف ممكن أى طبيب محترم يسعى اليه.علشان كده هنقول بعض خبرات طلاب الطب وبعض الدكاترة والأطباء من واقع خبرات خريج اللى ممكن تساعدك فى مرحلة تعليمك وبعد تخرجك من الكلية وتكون طبيب ناجح.

اولا : كيف تصبح طالب طب ناجح؟


ليس معنى أنك عرفت تدخل كلية الطب أنك هتكون طالب طب ناجح.ومش معنى انك حصلت على درجات عالية فى الثانوية العامة ودخلت كلية الطب أنك هتكون طالب ناجح.ومش معنى أنك كنت بتحب مادة الأحياء والكمياء فى الثانوية العامة أنك هتكون طالب طب ناجح.
10-نصايح-لكى-تكون-طالب-طب-ناجح-متفوق-تكون-طبيبا-ناجحا-عظيم


دراسة الطب علشان تكون دكتور يعتمد عليه أمر تانى. علشان كده لازم تأخد دراسة الطب على محمل الجد لانك هتتعامل مع أرواح  تتألم من المرض وتحتاج الى من يخفف عنها هذا الوجع ، ولعل الله عز وجل جعلك سبب لكى تخفف هذا الألم .

بعض النصائح لكى تستطيع دراسة الطب بسهولة وتكون مرتاح النفسية وتستفيد على قدر الأمكان من المواد:

1- أولا لازم تكون علاقتك قوية مع الله عز وجل.

  لانك بتتعامل مع أرواح بين يديك لازم تكون قريب من الله وتكون مواظب على قراءة القران الكريم .ممكن واحد يقول ما الأطباب الاجانب غير مسلمين ومتفوقين فى علم الطب ،أحب أقولك أن القران الكريم فى معجزات كثيرة مازلنا فى هذة اللحظة نتذكرها ونكتشفها ،وكثيرا من الأطباء الأجانب أسلموا بعد ما عرفوا عظمة القران الكريم ،فحافظ عليه.

2- نظم وقتك وأعمل جدول لنفسك.

اعمل جدول كويس وتلتزم بيه هيسهل عليك الكثير من  الأمور وعلى فكرة معظم رواد الأعمال والناجحين بيقولوا فى مذكراتهم أن لو عاوز تنجح لازم تكون ماشىء على روتين معين  ويكون الجدول ده جزء لا يتجزأ من حياتك .

3- اهتم بحالتك النفسية والمعنوية.

كل شخص عارف أن الحاله النفسية أو بمعنى أصح المزاج أو المود أهم شىء لأن لو الحاله النفسية كويسة ممكن تعمل المستحيل ولازم تعمل صحبة كويسة وتفضفض معاهم على كل شىء صعب يقابلك وتحسن التعامل معاهم،واياك تخزن كل حاجة فى نفسك وتكتمها لأن الكبت والزهق عدو طالب الطب خاصوصا أنك لازم تكون صافى الذهن علشان تعرف تركيز فى المعلومات اللى بتجمعا وبتذاكرها.


3- القراءة فى الكتب والمراجع العالمية.

10-نصايح-لكى-تكون-طالب-طب-ناجح-متفوق-تكون-طبيبا-ناجحا-عظيم

لاشك أن كل يوم فى جديد فى مجال الطب وخصوصا ان فى أبحاث وتتقارير عالمية تنشر كل يوم عن دواء جديد او مادة فعالة معين أو اثار سلبية لدواء معين .علشان كده لازم تكون مطلع على كل شىء جديد فى مجالك وتخصصك ده لو انت عاوز تكون مواكب العصر وأسم يتذكر بعد كده فى مؤتمرات عالمية وتكون طبيب مشهور.


4- لازم يكون عندك طموح للمستقبل.

مهنة الطب ما هى الا طموح وأمل فى المستقبل لازم وانت طالب فى كلية الطب يكون عندك طموح أنك تبقى دكتور ناجح ومشهور والكل بيحترمه ويقدرة ويحترم علمه.


5- لا تتخلى عن التواضع أبدا .

مش معنى أنك دخلت كلية الطب وهتكون دكتور أنك تتخلى عن التواضع فى المعاملة مع الأخرين وتتعامل معاهم بكبرياء وتذكر قول الرسول الكريم عن النبي صلى الله عليه وسلم قال: ((لا يدخل الجنة من كان في قلبه مثقال ذرةٍ من كبرٍ قال رجلٌ: إن الرجل يحب أن يكون ثوبه حسنًا، ونعله حسنةً. قال: إن الله جميلٌ يحب الجمال، الكِبْرُ: بطَر الحق، وغمط الناس،)) رواه مسلم.   ولاحظ أن أكيد لازم يصادف أن احد المرضىء  يريد ان يفهم حقيقة مرضة فلازم تكون صبور معاه.


6-استشير الدكتور او المحاضر فى الكلية دائما.

علشان متهش وسط المراجع والكتب الكثيرة لان مجال الطب واسع جدا فلازم تكون متابع مع دكتور الماده اللى بتدرسها وتكون على اتصال مع الدكتور والمعيدين هيسروا عليك كثير من الأمور اللى بتقابلك. وأكيد هيدلوا على بعض الكتب والمراجع اللى تستفيد منها بكل سهوله.


7- اهتم بصحتك كويس ومتهملهاش:

 علشان تقدر تكمل المشوار لازم تاخد بالك من صحتك وتهتم بيها وتحاول تبعد عن أى شىء يضر جسمك وعقلك لانك لازم تكون مركز فى كل المعلومات اللى بتذاكرها لانك بعد كده هتتعامل مع أرواح البشر وليس صحتهم فقط  يعنى ممكن خطاء غير مقصود أو بسيط يسبب مشكله للمريض ، مش معنى كده انك تخاف وتبعد عن الطب أو المجال ولكن لكل مجال ومهنه أسلوب .


8- تناقش مع زملائك فى الكلية.

10-نصايح-لكى-تكون-طالب-طب-ناجح-متفوق-تكون-طبيبا-ناجحا-عظيم

دراسة الطب عاوزه مجموعة علشان تقدروا  تساعدوا  بعض فى المذاكرة والفهم  ولو أنت عارف معلومة وفاهم حاجة فى المنهج حاول تشرحه لزميلك بالشكل ده المعلومات هتثبت  فى عقلك أكثر وممكن تستفيد من زميلك برده معلومات تانية.وحاول تعامل زميلك معاملة كويسة علشان تكون روابط اجتماعية بينهم.ولمعرفة كيفية التعامل مع زملاء الدراسة اضغط هنا.


9- اياك والخوف من الدراسة فى الطب.

مش معنى أنك هتتعامل مع أرواح البشر ومع الأدوية  انك تخاف من دراسة الطب لا بالعكس لازم تستمتع بكل لحظة فى الدراسة  وتخيل كمية السعاده اللى هتشعر بيها لم ربنا يجعلك سبب انك تخفف الألم عن أنسان مريض ويدعى ليك بدوام الصحه. وأوعى تخاف من الأمتحانات والدرجات أكبر غلطة معظم الطلبة بتقع فيها مش بس فى الطب ولكن فى معظم الكليات الأخرى أن يكون كل همهم أزاى يجيبوا درجات عالية وبس ،وبعد كده ينسوا كل اللى ذاكروه أهتم بتحصيل العلم  أولا.


10- لا تعتمد على مصدر واحد للتعليم لكى تكون طبيب ناجح.

دراسة الطب لا تعتمد على أنك تستنى المعلومة  تيجى لحد عندك ولكن الطالب الناجح هو اللى بيدور على المعلومة  ويبحث عنها  وفى ظل العصر اللى احنا بنعيشه ده دلوقتى والتقدم التكنولوجى الرهيب أصبح  من السهل جدا الحصول على المعلومات بكل سهوله .
وختاما لكى تكون طالب طب ناجح وطبيب ناجح أذكر كلمة دكتور عظيم  وهو يقول أن الطب هو اعتماد على النفس (medicine self-study) يعنى لازم تقرأ وتقرأ.

ثانيا :كيف تكون طبيب ناجح ومشهور؟



1- الفلوس (المال) ليس كل شىء.

نعم المال ليس كل شىء فى مهنة الطب خصوصا ، ليس معنى ذلك انك ميكنش معاك فلوس علشان أنت برده ليك احتاجات خاصة ومصاريف مطلوبه منك ، بس لا يكون تعاملاتك كلها مرتبطة بالأموال لازم تراعى ظروف المرضى .
يعنى متكتبش على دواء ليس له قيمة للمريض ومش هيفيده فى شىء فى سبيل انك تزود مبيعات هذا الدواء فقط. يجب أن تراعى الله فى هذا العمل لانك بتتعامل مع أرواح بشر فى أمس الحاجة لمن يخفف عنهم الألم.

2- الانتباه لأدق التفاصيل .

يجب ان تكون منتبه جيدا لكل التفاصيل التى يذكرها المريض لك وتنتبه لكل صغيرة وكبيرة ، لأن ده سوف يؤدى بك الى تشخيص المرض بسرعه ويكون التشخيص صحيح حيث كثير من الأخطاء ترتكب باسم التشخيص راعى النقطة دى.

3- تعامل كأنك أنت المريض .

نعم أنت الأن الطبيب المعالج ولكن تذكر أنك ممكن تكون مريض فى يوم من الأيام وتحتاج الى دكتور لكى يخفف عنك بعض الالم الذى تشعر به . لذلك كن صبور جدا مع البشر وتعامل معهم بلطف ولين وخفف عنهم المرض ولو بابتسامه صغيرة.

ختاما كل هذه النقاط تم كتابتها من واقع خبرة أطباء  متميزون فى مجالهم لذلك أنصحك بقراءة المقال بكل دقة. وأرجو أن تكون المعلومات  فى هذا الموضوع قد استفادتم منها على قدر المستطاع.
لو عندك أى معلومة مفيده ممكن تضيفها رجاء كتابتها فى التعليق لكى يستفيد الجميع. ولو حابب نتكلم فى موضوع معين ممكن تتركة فى التعليقات.
التعليقات
0 التعليقات

0 التعليقات:

إرسال تعليق

 
© 2017 جميع حقوق النشر محفوظة لدى خبرات خريج | تصميم خبرات خريج| سياسة الخصوصية | من نحن؟ | انضم لفريق التدوين | اعلن فى الموقع |

Receive All Free Updates Via Facebook.