عشان متتفاجئش أول يوم جامعة.. 5 مواضيع تهم كل شاب وفتاة علشان متكنش أضحوكة الجامعة.

كل الطلاب الجدد اللى لسه مخلصين ثانوية عامة أهم حاجة عندهم أول يوم وهم رايحين الجامعة شوف معانا ايه اللى بيحصل  من واقع خبرات خريج علشان متتفاجئش.                                                                           

السلام عليكم متابعى موقع خبرات خريج نقدم لكم اليوم موضوع شيق ومفيد جدا وهو كيفية الذهاب الى الجامعة ؟ وماذا تفعل فى أول يوم فى الكلية؟

ملاحظة مهمة جدا:

برجاء أكمل قراءة الموضوع الى النهاية لان كل كلمة تم كتابتها فى هذا الموضوع هى خبرة الكثير من الخريجين الذين يريدون

ان ترجع بهم الايام لكى يستفيدوا ويستمتعوا بأيام الكلية وعلى اساسها تم كتابة هذا الموضوع.
ماذا سوف تستفيد بعد قراءة هذا الموضوع:-

1)    كيفية الذهاب الى الكلية والجامعة وأنت مطمئن القلب لأنك سوف تقابل الكثير من الطلاب من مختلف المحافظات؟

2)    ما هى طريقة اللبس فى الكلية حتى لا يسخر منك أحد؟

3)    كيفية التعامل مع زملاءك وتكوين صداقة حقيقية؟

4)    كيفية حضور المحاضرات وتستفيد منها بالقدر الكافى؟

5)    أشياء يجب الأنتباه لها وتسبب فهم خاطىء عند الطلاب؟  (مهمه جدا)

أولا :كيفية الذهاب الى الكلية الخاصة بك وانت مطمئن القلب؟

أكيد كل واحد فينا كان بيحلم انه يروح وينضم للكلية اللى بيحبها وازاى هو شايف نفسه فيها وايه هو المستقبل اللى منتظرك لما تتخرج من الكلية.أكيد كل واحد ذاكر وتعب فى مراحل التعليم المختلفة علشان يوصل للكلية اللى بيحبها مهما كانت ايه هى الكلية دى ليس بالشرط انها تكون كلية هندسة او طب او صيدلة او اى من هذه الكليات اللى كانوا بيقولوا عليها كليات قمة.

 ولكن بعد خبرة 6 سنوات من التخرج وعلى فكرة مع حضراتكم خريج هندسة  قسم كهرباء ولو رجع بيا الزمن كنت دخلت الكلية اللى انا بحبها بغض النظر عن المجموع لأنى كنت هلاقى نفسى فيها.

طبعا الكل عايز يعرف ليه انا قلت الكلام ده ممكن حضراتكم تقولوا عليا أن أنا مش فاهم حاجة . موافق على اتهام حضرتك ليا بس تابع معى باقى المقالات واحنا هنثبت لحضرتك ان كلامنا هو الصحيح ده بواقع الخبرة فى سوق العمل...........تابعناعلشان تعرف ليه.

نرجع  تانى لموضعنا وهو أزاى أروح للكلية فى أول يوم؟

الموضوع بسيط جدا ي شباب هو انك عرفت ان اليوم الفلانى هو بداية العام الجامعى الجديد كل ما عليك فعلة هو الأتى:

·      حضر اللبس اللى هتروح بيه الكلية وهنقول ليك / ليكى تلبس ايه فى اول يوم فى الكليه فى باقى المقال.

·      نام فى اليوم ده بدرى علشان مش هقول تصحى بدرى ولكن علشان اليوم ده هتقابل ناس كتير لازم تكون مركز  وانت بتتعامل معاهم وبتكلمهم لأن ذى ما الكل عارف أن الأنطباع الأول اللى الشخص بيشوفه هو اللى بيدوم وصعب أنك تغيره بس مش مستحيل ولكن يحتاج مجهود.  ليه تتعب نفسك ؟.........نام بدرى ي باشا.

·      بالطبع هتصحى بدرى يعنى تظبط منبهك الجميل على الساعة 7 صباحا وده علشان تروح الكلية بدرى لأن فيه احتفال بيتم للترحيب بالطلاب الجدد فى الكلية وأكيد هيكون ممتع وشيق. ولو الكلية معملتش الترحيب ده معلش بقا ده هيكون حظك ونصيبك.

ثانيا:ما هى نوعية الملابس اللى هتروح بيها للكلية فى أول يوم؟

a)     بالنسبة للشباب:

·        حضرتك كده عاوز تروح الكلية وأنت طالب عادى وكويس ومعنى عادى هنا ان مفيش أى طالب من الطلاب ينظر ليك باستغراب ومتكنش اضحوكة الجامعة طول فترة الدراسة؟ يبقا تعمل الأتى:

1-    حلاقة الشعر لازم تكون قصة كويسه بمعنى أنك متعملش قصات غريبة أو مختلفة تخلى الكل يبصلك ويستغرب لان الكلية فيها ناس من كل الأماكن وبمختلف الثقاقات.  وممكن يكون فيها ناس من دول أخرى على الأقل فى أول اسبوع فى الكلية ولما تعرف جو الكلية أعمل اللى أنت عاوزه.

2-    اوعى تلبس بدلة نهائى فاكر( فلم صعيدى فى الجامعة الامريكية) هههههههه.السبب ان خلف كان رايح ببدلة وغريبة عن الكل.

3-    تلبس قميص  او تشرت كلاسيك اوكجول يكون طبيعى جدا والبنطلون يكون طبيعى برده بمعنى ميكنش  ذى الموضه يعنى مش مقطوع من على الركبة وخلافه.

4-    الحذاء يكون عادى وعطيله لمعة ورنيش كده ..طالب شيك بقا.

a)     بالنسبة للبنات:

·        طبعا البنت أول ما خلصة فترة الثانوية وقالوا ليها أنك هتروحى الجامعة بتكون مبسوطة أنها هتخرج وتشوف الدنيا وتلبس اللى على مزاجها.بس احب أقولك أن أهل وضعوا ثقتهم فيكى ومعتمدين على تربيتهم ليكى فياريت تكونى أهل للثقة دى وتكونى على قد المسئوليه وعلشان كده ممكن تلبسى الأتى:

اللبس الشرعى المعروف . لا استطيع ان أقول غير ذلك.

ثالثا : كيفية التعامل مع زملاءك وتكوين صداقة حقيقية؟

لاشك أن الكلية مكان لتجميع الكثير من الطلاب بمختلف الثقافات والتفكير فسوف تجد من منهم يرد صداقتك لكى:

1-    لكى يستفيد منك دراسيا.

2-    لكى يكون صديق على حق وهذا ما سوف تجده قليل.

3-    لكى يتقرب بك الى شخص أخر.

4-    لكى تعطيه حلول المسائل والتقارير التى سوف تطلب منك.

ولكن أنت الشخص الوحيد اللى هتحدد اى الأصدقاء سوف تصاحب.ولكن فى البداية أنت تريد ان يأخد الطلاب عنك اعتقاد كويس وتكون شخص محبوب بينهم .عندما تقابل زميل/زميله جديد فى الكلية ولقد قلت عليه زميل وليس صديق /صديقه لانك لسه مش عارف طباعه ايه أو شخصيته ايه وهل سوف يكون من ضمن أصدقائك أو سوف يظل زميل دراسة فقط افعل الاتى:-

·        يجب ان تكون مبتسم ابتسامه خفيفة جدا تدل على بشاشة الوجه.

·        ان تلقى عليه السلام هذه خير بدايه وأفضل بدايه.

·        لو حابب أنك تسال عن شىء لازم تبدأ كلامك ب لو سمحت.

·        لازم تكون منتبه لكلامه / لكلامها وأنت بتتكلم معاه لأن النظر الى الشخص المتكلم يدل على الأهتمام والتقدير له.

·        عند الأنتهاء من الحديث معه لازم تشكره وتقول اتشرفت بمعرفتك.

·        وبناء عليه سوف تظهر لك الأيام مدى فاعلية هذه التجارب وهل كنا على حق ام على خطأ.
لقراءة كيفية التعامل مع زملاء العمل والدراسة بالتفصيل وبناءا على خبرة

لو فيه طريقة أخرى لكى تحسن علاقتك مع زملاءك ممكن تكتبها فى تعليق لكى يستفيد الجميع وتنقل خبرتك هذه للأخرين.

رابعا: كيفية حضور المحاضرات والأستفاده منها بالقدر الكافى وأيضا أسلوب الحضور حتى لا تتعرض للطرد من المحاضرة من قبل الدكتور؟

·        عند دخولك الى المدرج سوف تجد نظام الكلية المتبع بمعنى كيفية الحضور المحاضرة سوف تجد مجموعة بنشات للطلاب ومجموعة أخرى للطالبات .الكل يجلس فى المكان المخصص له.

·        عند حضور الدكتور للمدرج لالقاء المحاضرة يفضل عدم الحديث مع الأخرين لآنك لا تعرف شخصية الدكتور لا تعرف ان كان متعصب ام جاف فى التعامل مع الطلاب ام ان كان مرن فحتى لا تتعرض الى الطرد من أول يوم يجب عليك الجلوس فى هدوء والأستماع اليه.

·        يكون معك أجنده او اسكتش لكتابة بعض الملاحظات فى المحاضرة والنقاط المهمة التى سوف تسهل عليك مذاكرة المحاضرة فيما بعد.

عندما تريد الحديث مع الدكتور خلال المحاضرة أو تريد أن تتناقش معه فى جزء معين تم الحديث فيه تقوم برفع يدك حتى يأذن لك الدكتور بالحديث.

خامسا: اشياء يجب الأنتباه لها حتى لا تفهمها بالخطأ؟

1)    فى الجامعة لا يوجد شىء اسمه أستاذ أو أستاذة أو أبلة أو مدرس الشخص الذى يقوم باعطاء المحاضرة يسمى الدكتور /الدكتوره اذا كان معه درجة الدكتوراه ,او يسمى معيد / معيده اذا كان معه ماجستير فقط.

2)    لا يوجد شىء اسمه حصص  او الحصه كذا مثلا حصة الكمياء أو حصة الرياضيات ولكن تسمى المحاضرة كذا  مثلا(محاضرة الكمياء  او اسم الماده).

3)    كل ماده من المواد لها محاضرة وسكشن ; المحاضرة يعطيها الدكتور والسكشن يعطيه المعيد واذا كانت ماده عملية ممكن يكون ليها معمل تقوم بعمل التجارب فيه.

4)    لو زميله قالت لك لو سمحت أنا عاوزة المحاضرة كذا مش معنى كدا انها معجبه بيك أو بتحاول تلفت انتباهك , بس هي فعلا هتكون محتاجة المحاضرة دى او السكشن ده فياريت تتعامل باحترافية , نفس الكلام للبنات.

فى نهاية التجربه دى وليس نهاية التجارب بنحب نقول لكل متابعينا الكرام استمتعوا بهذه الفترة من حياتكم بالقدر المستطاع وبما يرضىء الله عز وجل .

وان شاء الله هيكون فيه خبرات أخرى كتيره فتابعونا , ولو الموضوع نال أعجابك ياريت تعلق فى نهاية الموضوع بتعليق بسيط. واشترك معنا على صفحتنا على (الفيس بوك- تويتر – جوجل بلس- انستجرام) لمتابعة الجديد.

لو حابب نتكلم فى موضوع معين وعايز تشوف خبرات الآخرين ايه ممكن تعلق بكومنت على الموضوع.